Poslovne vijesti - Makedonija

Повратот на ДДВ за фирмите доцни 100 дена

Дел од бизнисмените на неколку пати последниов период се пожалија во нашата редакција за овој проблем, но сака да останат анонимни, бидејќи стравуваат од инспекциските служби за кои велат дека им се се почести гости во нивните канцеларии.

Оваа информација ја потврди и премиерот Христијан Мицкоски кој уверува дека проблем со државниот буџет нема.

„Откако ќе бидат сите проверени бидејќи досега на фантом фирми се исплаќани милиони евра поврат ДДВ, а потоа истите фирми се отуѓувани на граѓани од една од околните земји кои не постојат и потоа тие фирми се згаснуваат, а парите на граѓаните завршуваат најчесто кеш и на тој начин буџетот се празнел со десетини милиони евра. Повеќе нема на такви фантом фирми да се исплаќаат поврати на ДДВ. Ќе се исплаќаат откако ќе подлежат на строга контрола и во рамки на законскиот рок.“ – рече Мицкоски.

Доцнењето на повратот на ДДВ за компаниите е проблем со кој редовно се соочува стопанството. Во овој случај, нашите информации се дека кај малите и средни фирми нема проблем, односно кај поголемиот дел од нив редовно добиваат поврат на ддв од државата. Фабриките и останатите големи компании чекаат сериозни суми за поварт и токму кај нив е доцнењето.